HOW TO MONETIZE YOURSELF?
🤔 إزاي تفلوس نفسك؟
أكيد دلوقتي بتسأل نفسك: “هو المصطلح ده جه منين؟”
خليني أحكيلك القصة ورا الاسم ده.
في الفترة اللي فاتت، لما كنت بتكلم عن إزاي تعمل لنفسك بيزنس، كنت دايمًا بشوف الناس بتفكر في البيزنس على إنه شركة كبيرة، موظفين، ناس لابسة بدل، وحاجات معقدة! علشان كده قررت أغيّر المصطلح دة!
بدل ما أقول “بيزنس”، فكرت أستخدم كلمة “مونيتايز”. بس لما تيجي تترجمها للعربي هتلاقي معناها “تحقيق الربح”، ودي كلمة بتخلّي أي حد يحس إن الموضوع فيه نصباية، لأن كتر النصب حوالينا خلّى أي حاجة بتتكلم عن “تحقيق الربح” تبقى مشبوهة. وأنا واحد من الناس اللي اتنصب عليها كتير جدًا بسبب الكلمة دي، فقررت أدور على مصطلح جديد!
“To monetize something”
يعني “أنك تفلوس الشئ” أو تحوله لفلوس! وده الأساس اللي هنتكلم عنه هنا
ببساطة، البيزنس هو إضافة قيمة للناس، بالشكل اللي يخليهم مستعدين يدفعوا فلوس مقابل القيمة دي.
وفي أشكال كتير للبيزنس، بس الطريقة اللي هنتكلم عنها النهارده هي الأسهل. ليه؟ لأنها قائمة عليك إنت
ده اللي أحنا بنسميه
One-Person Business Model.
وده معناه أنك ببساطة هتبني بيزنس قائم على شخصيتك، خبراتك، مهاراتك، والمشاكل اللي قدرت تحلها.
وده بالمناسبة مش المقصود بيه إنك تكون فريلانسر أو يوتيوبر، بل إنك تبني فكرة مشروع قائمة على ماضيك وتجاربك.
:علشان تبدأ البيزنس مودل دة، محتاج 3 حاجات أساسية
:القدرة على تحمل المسؤولية
الموضوع ده مش “اضغط على زرار وخد فلوس”. لازم تكون مستعد تصبر وتشتغل بجد على نفسك وعلى مشروعك.
:الوعي بالماضي
لو ما عندكش قيمة أو خبرة تضيفها للناس، الموديل مش هيشتغل. محتاج تكون عارف مشاكلك السابقة وإزاي حليتها.
:التحكم في الوقت والحياة
لو شخصيتك اعتمادية أو مش عارف تنظم وقتك، للأسف الموديل مش هيشتغل ليك.

إزاي تبدأ في البيزنس مودل دة؟
الإجابة ببساطة: ابدأ بنفسك
في خلال الفترة اللي أنت عيشتها أكيد مريت بتجارب ومشاكل. أكيد اتعلمت حاجات نجحت فيها
! الحاجات دي هي اللي هتساعد بيها الناس اللي بتمر بنفس المشاكل
HO
HEIRARCHY OF SELF SUCCESS
هرم النجاح النفسي
علشان تبقى ناجح وتضيف قيمة للمجتمع، لازم تمر بخطوات معينة
1. (Self-Awareness)
الوعي بالنفس
إنت مين؟ إيه نقاط قوتك؟ إيه المشاكل اللي عايز تحلها لنفسك؟
2. (Self-Definition)
تعريف النفس
بعد ما تعرفت على نفسك، اسأل: إيه القيمة اللي ممكن أقدمها؟ مين الناس اللي ممكن أساعدهم؟
3. (Self-Mastery)
إدارة النفس
في الخطوة دي، بتتعلم الالتزام، وإزاي تطور نفسك بشكل مستمر
4.(Self-Promotion)
إظهار القيمة
ابدأ شارك القيمة اللي عندك مع الناس. أفضل مكان تبدأ منه هو السوشيال ميديا
5.(Self-Productization)
تحويل حلول مشاكلك لمنتج
حَوّل خبرتك أو مهارتك لمنتج أو خدمة. ده ممكن يكون كتاب، استشارة، ورشة عمل، أو كورس.
⬇️
بعد المرحلة دي بتبدأ مرحلة الفلوسة:
6.(Self-MONETIZATION)
عندك طريقين:
Skill-Based Business:
قدم خدمة أو مهارة زي المونتاج أو الجرافيك ديزاين
Personal Branded Business:
اعتمد على قصتك وتجاربك، وقدم حلول لمشاكل الناس من خلال تجربتك الشخصية
----
زمان كان عشان تظهر نفسك وتبرز قيمتك محتاج ميزانية ضخمة للإعلانات في التلفزيون أو المجلات. دلوقتي، السوشيال ميديا فتحت الباب لأي حد عنده قيمة يقدمها إنه يوصل للناس بشكل مجاني تمامًا!
لكن علشان السوشيال ميديا تكون فعالة بالنسبة لك:
1. قدم محتوى مفيد:
أي شخص هيقرر يتابعك لازم يكون شايف فايدة حقيقية من اللي بتقدمه. سواء كان محتواك تعليمي، تحفيزي، أو حتى ترفيهي، المهم إنه يكون عنده قيمة مميزة.
2. خلي المحتوى بسيط وملموس:
الجمهور دايمًا بيدور على حلول بسيطة وسريعة لمشاكلهم. مش لازم تعقد الدنيا. استخدم أسلوبك الطبيعي وخاطب الناس بلغتهم.
3. كن صادقًا ومؤثرًا:
الناس بتثق أكتر في الأشخاص الحقيقيين اللي بيشاركوا قصصهم وتجاربهم بدون تزييف. شارك نجاحاتك، وأيضًا فشلك، وخلي الناس تشوف الرحلة الحقيقية.
مراحل “فلوسة نفسك” بالتفصيل
المرحلة الأولى: تحديد القيمة
ابدأ بتحديد الحاجات اللي بتميزك، إيه المهارات اللي عندك؟ إيه المشاكل اللي عديت بيها في حياتك وقدرت تحلها؟ إزاي خبراتك وتجاربك ممكن تكون مفيدة لغيرك؟
مثال: لو كنت شخص عانى من عدم تنظيم الوقت وقدرت تحل المشكلة دي، فأنت عندك تجربة حقيقية ممكن تفيد بيها ناس كتير
لو كنت شخص عنده سمنة مفرطة وقدرت تنجح في نزول وزنك تقدر تقدم ده للناس وتساعدهم بيها
المرحلة التانية: إنشاء المحتوى
المحتوى هو الجسر اللي هيوصل بينك وبين الجمهور
ابدأ بكتابة بوستات عن تجاربك
شارك نصائح سريعة على إنستجرام أو تيك توك
اعمل فيديوهات قصيرة توضح فيها حلول لمشاكل الناس
المرحلة التالتة: بناء الثقة
الجمهور مش هيشتري منك حاجة لو ماوثقش فيك، والثقة بتتبني من خلال
أنك تكون صادق في المحتوى
أنك تجاوب على أسئلة الجمهور
أنك تقدم قيمة حقيقية بدون انتظار مقابل في البداية
المرحلة الرابعة: تطوير المنتج أو الخدمة
بعد ما الجمهور يبدأ يثق فيك، لازم تقدم حاجة ملموسة يقدر يشتريها من خلالك
كورس أونلاين
استشارات شخصية
كتاب إلكتروني
ورش عمل
عيوب ومميزات البيزنس مودل دة
المميزات
مرونة كاملة
إنت اللي بتحدد وقت شغلك، وطريقتك، وأسلوب حياتك
لا حدود للإبداع
البيزنس مبني عليك، وده معناه إن مفيش حد يقدر ينافسك في شخصيتك
نمو مستمر
كل ما تحل مشكلة لنفسك، بتلاقي فرصة جديدة تضيفها لقيمة اللي بتقدمه
العيوب
ضغط كبير
بما إن البيزنس قائم عليك، فأنت المسؤول عن كل حاجة
الاعتماد على نفسك بالكامل
لو ما كنتش منظم أو عندك قدرة على الالتزام، النجاح هيكون صعب
لو لسه عندك أسئلة أو محتاج مساعدة في رحلتك، شاركني في الكومنتات أو تواصل معانا من خلال الواتساب لحجز إستاشر\
THANK YOU FOR READING MY NEWSLETTER